Apple Трампнинг иммиграция ҳақидаги фармони устидан судга даъво бермоқчи

Apple АҚШнинг иммиграция сиёсати ўзгарганлиги юзасидан судга мурожаат қилиш имкониятларини кўриб чиқмоқда, деб ёзади «Газета.ru». Ушбу ўзгаришлар компания ходимларига ҳам тааллуқлидир.

Business Insider маълумотларига кўра, Apple раҳбари Тим Кук етти мамлакатдан муҳожирларнинг АҚШга киришига қўйилган тақиқ компаниянинг юзлаб ходимларига ўз таъсирини ўтказишини айтди ва қандайдир суд ишини бошламоқчи эканлигини таъкидлади. Бу борада у ҳеч қандай тафсилот келтирмади.