Теннис бўйича «Катта дубулға» туркумига кирувчи Australian Open–2017 турнирининг нимчорак финалида ATP рейтингида 117-ўринда бораётган ўзбекистонлик Денис Истомин дунёнинг 15-ракеткаси – болгариялик Григор Димитровга қарши кортга тушди.
Икки ярим соат давом этган беллашувда Ўзбекистон вакили 4 сет натижасига кўра 6:2, 6:7, 2:6, 1:6 ҳисобида мағлубиятга учради ва мусобақани тарк этди. Иккинчи сет охирларида Истомин чап оёқ сонининг орқа қисмини шикастлаб олди ва бу унинг ўйин натижасига таъсир қилди.
«Дарё» ўз ўқувчилари орасида мазкур учрашувда ким ғолиб бўлиши борасида сўровнома ўтказган эди. Унда иштирок этган 3,5 минг респондентнинг 88 фоизи ўзбекистонлик теннисчининг ғалабасини тахмин қилганди.
Эслатиб ўтамиз, Истомин бунга қадар ATP рейтингида 170-ўринда бораётган хорватиялик Иван Додигни (6:1, 6:4, 3:6, 7:5), кейин эса жаҳоннинг 2-ракеткаси Новак Жоковични (7:6, 5:7, 2:6, 7:6, 6:4) сенсацион тарзда мағлубиятга учратганди. Учинчи даврада эса ўзбекистонлик тенничи дунёнинг 31-ракеткаси – испаниялик Пабло Каррено Бустага (6:4, 4:6, 6:4, 4:6, 6:2) имконият қолдирмаган эди.
Мавзуга доир: Истомин дунёнинг 2-ракеткасини мағлуб этгач, 1-ракетка ҳам Australian Open–2017 ни тарк этди
Қайд этиш жоиз, Australian Open–2017 турнирининг нимчорак финалига қадар етиб борган Истомин 165 минг доллар мукофот пули ва 90 рейтинг очкосига эга бўлди.
Мавзуга доир: Денис Истомин: Australian Open’да зафар қучиб, онамни ҳайрон қолдиришим мумкин. Бироқ бунга ишончим комил эмас
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)