Тошкент вилояти ички ишлар бошқармаси бошлиғининг виртуал қабулхонаси ишга тушди

Аҳолига янада қулай шароит яратиш ва соҳага оид масалаларни тезкорлик билан кўриб чиқиш мақсадида 2017 йил 7 январь кунидан Тошкент вилояти ИИБ бошлиғининг виртуал қабулхонаси иш бошлади. Бу эса фуқароларга ўзларини қизиқтирган саволларга жавоб олиш ва муаммоларни ҳал этиш юзасидан интернет тизимидаги online.toshkentviloyatiiib.uz ҳаволаси орқали Тошкент вилояти ИИБ бошлиғига бевосита мурожаат йўллашлари учун имконият яратди.

Шунингдек, жисмоний ва юридик шахсларнинг мурожаатлари билан ишлашнинг тубдан янгича тизимини жорий этиш, аҳоли билан тўғридан-тўғри мулоқотни ташкил этиш, фуқароларнинг ҳуқуқ ва эркинликлари ва манфаатларини тўлақонли ҳимоя қилиш мақсадида вилоят ИИБда «Тошкент вилояти ИИБнинг сайёр қабулхонаси» ташкил этилиб, бунинг учун замонавий телевизор, комютер тўплами, кондиционер каби анжомлар билан жиҳозланган махсус Isuzu автобуси ажратилди.