Футбол бўйича Италия А сериясида 20-тур беллашувларига тўлиқ якун ясалди. Пешқадам «Ювентус»нинг мағлубияти билан ёдда қолган тур Туриннинг бошқа бир клуби — «Торино» иштирокидаги ўйин билан ўз якунига етди.
«Торино» ва «Милан» Италия кубогининг 1/8 финалида ҳам ўзаро тўқнаш келган бўлиб, учрашувда миланликлар сўнгги дақиқалардаги 2 та гол эвазига иродали ғалабани қўлга киритганди. Чемпионат доирасидаги ўйинда эса кучлар тенг келди 2:2.
Туринликлар 2 та гол фарқи билан олдинга чиқиб олгач, пенальти тепиш ҳуқуқига эга бўлди. Аммо миланликлар посбони Жанлуиджи Доннарумма зарбани қайтариб, жамоасини қутқариб қолди. Руҳияти кўтарилган Монтелла шогрдлари иккинчи бўлимда ҳисобни тенглаштиришга муваффақ бўлди. Томонларнинг Милан шаҳрида ўтган ўйини мезбонларнинг 3:2 ҳисобидаги ғалабаси билан якунига етган эди.
Қўлга киритилган 1 очко «Милан»ни турнир жадвалида 5-ўринга олиб чиқди. Жамоа Римнинг «Лацио» клубига етиб олиши учун қолдирилган ўйинда «Болонья»ни таслим қилиши керак бўлади. Беллашув 8 февраль куни ўтказилади.
А серия пешқадами бўлиб турган «Ювентус» ўзининг янги логотипини намойиш қилди. Клуб президенти Андреа Аньеллининг сўзларига кўра, жамоа бозор талаби қандай эканидан келиб чиқиб, янги логога асос солган. Бу эса камида 1 йил вақтни олган.
Италия А серияси 20-тур учрашуви 16 январь, душанба
Изоҳ (0)