Халқаро футбол уюшмаси ФИФА терма жамоаларнинг янги рейтингини эълон қилди. Унга кўра, Ўзбекистон миллий терма жамоаси 568 очко билан 61-ўринга кўтарилди.
Бу аввалги кўрсаткичга нисбатан 1 поғона юқори. Ўзбекистон Осиё мамлакатлари орасида 6-ўрнини сақлаб қолди. Қитъада пешқадам бўлиб турган Эрон жаҳонда 29-ўринда. Жанубий Корея эса Осиёда 2, дунё рейтингида 37-ўриндан жой олган.
Австралия Осиё термалари орасида нисбатан баландроқ — 3 поғона кўтарилиб, дунёда 44-ўринни, Осиёда 3-поғонани эгаллади. Япония — 46-ўрин, Саудия Арабистони — 48-ўрин.
ЖЧ—2018 саралаш босқичида Ўзбекистон билан бир гуруҳдан ўрин олган Хитой аввалги ойдагига нисбатан 1 поғона, Қатар эса 2 поғона юқорилади. Сурия терма жамоаси ўз ўрнидан силжимаган.
ФИФА рейтингида Аргентина етакчи. Иккинчи ўринни Бразилия, учинчи ўринни Германия банд қилган.
Изоҳ (0)