Ўзбекистон миллий терма жамоаси аъзоси Сардор Рашидов Қатар Юлдузлар лигасининг 15-турида дубл қайд этди ва жамоасининг 4:3 ҳисобидаги ғалабасини таъминлади.
Беллашув «Ал-Жаиш» учун омадли бошланиб, клуб 11-дақиқадаёқ 2 та гол фарқи билан олдинга чиқиб олганди. Кейинроқ эса меҳмонлар ҳисобни 1 тага қисқартирди, орада ҳакам «Жаиш» футболчисини майдондан четлатди ва бунинг натижасида ҳисоб тенглашди.
Майдондан «Ал-Араби» футболчиси ҳам четлатилгач, ўйин яна тенг кўриниш олди. Аввалига Рашидов 78-дақиқада жамоасини ҳисобда олдинга олиб чиққан бўлса, ҳакам томонидан қўшиб берилган дақиқаларда «Ал-Жаиш»ни 2 очко йўқотишдан қутқариб қолди.
«Ал-Жаиш» 15-турдан кейин Юлдузлар лигасининг 3-жамоаси бўлиб турибди. Мазкур тур доирасида ўзбекистонлик бошқа бир футболчи Санжар Турсунов голли узатма бергани билан ёдда қолганди.
Маълумот учун, кечаги дублидан кейин Сардор Рашидов мавсумдаги муваффақиятли зарбалари сонини 10 тага етказиб олди ва тўпурарлар жадвалида 4-ўринга кўтарилди. Рўйҳатни 17 та гол урган «Лаҳвия»нинг марокашлик ҳужумчиси бошқариб турибди.
Қатар Юлдузлар лигаси 15-тур ўйини 9 январь, душанба
Изоҳ (0)