Киевнинг Печерский туман суди Украина собиқ президенти Виктор Януковичнинг мол-мулкини хатлади, дея хабар бермоқда «РБК» Украина ОАВларига таяниб.
Қарор 2016 йил 29 декабрда қабул қилинган, бироқ у ҳақда 2017 йил 6 январдагина маълум бўлди.
Турар-жой, квартира, иккита гараж ва ярим ер ости паркингидаги иккита машина жойи хатланди. Шунингдек, суд бриг — икки мачтали елканли кемани хатга олди.
Суд қарорида Янукович «давлатга хиёнат»да, «Украина ҳудудлари чегараларини ва давлат чегараларини ўзгартириш мақсадида тартибни бузишда шериклик қилиш»да ва «агрессив уруш олиб боришда шериклик қилиш»да гумонланаётгани кўрсатилган.
Изоҳ (0)