Кучли тошқинлар туфайли юзлаб сайёҳлар Таиланднинг Самуи оролида қамалда қолди

Таиланднинг жанубий провинцияларига ёпирилган кучли тошқинлар туфайли юзлаб сайёҳлар Самуи оролини тарк этолмаяпти. Бу ҳақда «ТАСС» хабар бермоқда.

Кўпчилиги мамлакат пойтахти Бангкокка учиши лозим бўлган йўловчиларга чипталар фақат 10 январь кунига алмаштириб берилмоқда. Таиланднинг энг нуфузли курортларидан саналадиган Самуи оролидаги аэропорт об-ҳаводан келиб чиқиб ишламоқда. 15 та рейснинг қўниши ва парвози кечиктирилди, ўнлаб рейслар бекор қилинди.

Самуида охирги икки кундан бери шиддатли ёмғир тўхтамаяпти, кўплаб йўллар сув остида қолди, айрим жойларда сув ердан ярим метргача кўтарилди. Жумладан, оролнинг аксарият йирик меҳмонхоналари жойлашган Чавенга туманини сув босди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.