Ўзбекистонда хизмат кўрсатган артист Улуғбек Раҳматуллаевнинг «Қирмизи олма» қўшиғи 2016 йилнинг энг оммалашган тароналаридан бири бўлди. Унинг мазкур қўшиғи эронлик хонанда томонидан ўғринча куйланди. Бу ҳақда Улуғбек Раҳматуллаев ижтимоий тармоқлардаги шахсий саҳифаси орқали хабар берди, деб ёзади «Qalampir.uz».
Улуғбек Раҳматуллаев эронлик хонанда Ареф томонидан куйланган «Ки беҳтари аз то» номли қўшиқнинг видеоклипидан парчани Instagram’даги шахсий саҳифасига жойлаштирди.
Ана, энди эронлик машҳур хонанда ижросида «Қирмизи олма». Биздан рухсат сўрамасдан куйлаган, аммо биз хафа эмасмиз. Чунки, бунгача қанча қўшиқларимиз куйланди. Агар ишонмайдиганлар бўлса, YouTube’га кириб, клипни вақти ва тепада турадиган белгисини кўрса, билиб оладики, қўшиқ, албатта, биринчи биз тарафдан куйланган. Тез орада бу хонандадан видео кўринишида раҳматлар эшитамиз. Жудаям хурсандман, Яратганга шукр. Ният тўғри бўлса, ҳамма нарса бўлади. Балки, дуэт ҳам куйлаб қолармиз.Улуғбек Раҳматуллаев
Ўзбекистонда хизмат кўрсатган артист Улуғбек Раҳматуллаев қўшиғини бошқалар берухсат куйлаб чиққанидан аччиқланмаслиги аниқ. Биринчидан, қачонлардир хонанданинг ўзи ҳам «Бемор», «Лайлойимсан» каби қўшиқларини ўғирлаб куйлаган эди. Иккинчидан, ўзбек шоу-бизнесида аксарият хонандалар, ҳатто, Ўзбекистон халқ артистлари Озодбек Назарбеков, Гулсанам Мамазоитова ҳам хориждан ўғирлаётган бир вақтда Раҳматуллаевнинг қўшиғини эронликлар кўчириб айтиши – истисно.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.«Qalampir.uz»
Изоҳ (0)