Футбол бўйича Ўзбекистон миллий терма жамоаси сардори Одил Аҳмедов Хитойнинг «Шанхай SIPG» клуби сафига жўнаб кетиш олдидан «Ориат Доно» радиосида меҳмон бўлганди. Футболчининг «Чой устида» деб номланган дастурда билдирган фикрлари «Газета.uz»да ёзилди.
Мавзу Ўзбекистон миллий терма жамоасининг жаҳон чемпионатида иштирок этишига бориб тақалганида Аҳмедов мухлислардан сабрлироқ бўлишни сўради.
Умуман олганда ҳамма жойда шундай, жамоа мағлуб бўлса, мухлислар танқид қилишни бошлайди. Айтишим керакки, Ўзбекистон терма жамоасининг мундиалга боришдаги имконияти Эрон ёки Жанубий Кореяникидан кам эмас. Кураш сўнгги турга қадар давом этади.Аҳмедов, шунингдек, ҳозирги кунга келиб Ўзбекистонда яхши ҳужумчи йўқлигини тан олган.Мен мухлислардан сабрлироқ бўлишни сўрардим. Танқид футболчиларга ижобий таъсир кўрсатмайди. Ўзига нисбатан айтилган танқидий фикрдан кейин футболчилар хато қилишдан қўрқиб қолади, ҳаддан ташқари эҳтиёткорликка ўтиб олади ва ўз ўйинини намойиш қила олмайди. Тўғри, танқид ҳамма ерда бор. Бироқ бизнинг кўплаб футболчилар бунга тайёр эмас.
Улар таваккал қилишдан чўчиб қолган. Тўпни қабул қилиб олаётганда биринчи навбатда ундан қутилиш ҳақида ўйлайди.
Одил Аҳмедов, Ўзбекистон термаси сардори
Бу ҳақиқат, ҳужум чизиғида муаммоларимиз етарли. Ҳозир бизга Анвар Солиев, Максим Шацких, Александр Гейнрих, ўзининг яхши спорт формасида бўлган вақтидаги Зайниддин Тожиев ва Зафар Холмуродовлар етишмайди. Авваллари ҳужумчилар ўртасида рақобат катта эди, ҳозир эса йўқ.29 ёшли ярим ҳимоячи Ўзбекистон терма жамоаси футболчилари Россияда бўлиб ўтадиган 2018 йилги жаҳон чемпионатига бориш учун барча ишни қилиши ҳақида айтган. Футболчилар ҳам мухлислар каби мундиал орзуси билан яшаётганини қайд этиб ўтган.Одил Аҳмедов, Ўзбекистон термаси сардори
Изоҳ (0)