Futbol bo‘yicha O‘zbekiston milliy terma jamoasi sardori Odil Ahmedov Xitoyning “Shanxay SIPG” klubi safiga jo‘nab ketish oldidan “Oriat Dono” radiosida mehmon bo‘lgandi. Futbolchining “Choy ustida” deb nomlangan dasturda bildirgan fikrlari “Gazeta.uz”da yozildi.
Mavzu O‘zbekiston milliy terma jamoasining jahon chempionatida ishtirok etishiga borib taqalganida Ahmedov muxlislardan sabrliroq bo‘lishni so‘radi.
Umuman olganda hamma joyda shunday, jamoa mag‘lub bo‘lsa, muxlislar tanqid qilishni boshlaydi. Aytishim kerakki, O‘zbekiston terma jamoasining mundialga borishdagi imkoniyati Eron yoki Janubiy Koreyanikidan kam emas. Kurash so‘nggi turga qadar davom etadi.Ahmedov, shuningdek, hozirgi kunga kelib O‘zbekistonda yaxshi hujumchi yo‘qligini tan olgan.Men muxlislardan sabrliroq bo‘lishni so‘rardim. Tanqid futbolchilarga ijobiy ta’sir ko‘rsatmaydi. O‘ziga nisbatan aytilgan tanqidiy fikrdan keyin futbolchilar xato qilishdan qo‘rqib qoladi, haddan tashqari ehtiyotkorlikka o‘tib oladi va o‘z o‘yinini namoyish qila olmaydi. To‘g‘ri, tanqid hamma yerda bor. Biroq bizning ko‘plab futbolchilar bunga tayyor emas.
Ular tavakkal qilishdan cho‘chib qolgan. To‘pni qabul qilib olayotganda birinchi navbatda undan qutilish haqida o‘ylaydi.
Odil Ahmedov, O‘zbekiston termasi sardori
Bu haqiqat, hujum chizig‘ida muammolarimiz yetarli. Hozir bizga Anvar Soliyev, Maksim Shatskix, Aleksandr Geynrix, o‘zining yaxshi sport formasida bo‘lgan vaqtidagi Zayniddin Tojiyev va Zafar Xolmurodovlar yetishmaydi. Avvallari hujumchilar o‘rtasida raqobat katta edi, hozir esa yo‘q.29 yoshli yarim himoyachi O‘zbekiston terma jamoasi futbolchilari Rossiyada bo‘lib o‘tadigan 2018-yilgi jahon chempionatiga borish uchun barcha ishni qilishi haqida aytgan. Futbolchilar ham muxlislar kabi mundial orzusi bilan yashayotganini qayd etib o‘tgan.Odil Ahmedov, O‘zbekiston termasi sardori
Izoh (0)