Vice журналисти Дэвид Аллегретти дўсти билан нур қайтарувчи нимча ёрдамида кинотеатр, Coldplay концерти, шунингдек, Мельбурн ҳайвонот боғига текинга кирганлиги ҳақида ҳикоя қилди, деб ёзади Meduza.
Тўсиқ ортида ёки қўриқчилар ёнидан нимчадаги одам ўтиб кетаётганлигини кўрсангиз табиийки, у ичкарида бирор юмуш учун керак деб ўйлайсиз.Журналист ва унинг дўсти Шон тажрибани кинотеатрдан бошлади. Улар нимчаларни кийиб, кассадан ўтиб, биринчи дуч келган залга кирди ва «Янги йил базми» фильмини томоша қилди.Дэвид Аллегретти
Шундан сўнг улар Мельбурн ҳайвонот боғига киришга уринди. «Биз кириш олдида 15 дақиқача иккиланиб турдик. Мен ҳам, Шон ҳам кира олишимизга ишона олмадик», — дейди журналист.
Шунга қарамасдан, дўстлар ҳайвонот боғига киришга эришди, Шон ҳатто ҳайвонот боғи ходимлари билан саломлашди.
Шу куннинг ўзида шаҳарда Coldplay гуруҳи концерт берган. Дэвид ва Шон стадионга чиптасиз киришга уриниб кўришга қарор қилди. Бунинг учун улар стадион ишчиларидан ажралиб турмаслик учун сариқ нимчаларни тўқ сариғига алмаштирди. Аллегретти Шоннинг «нариги томонда» дўсти бўлганлиги ва концертга киришга у ҳам ёрдам берганлигини тан олди.
Сайёҳлик автобусида эса улар текинга сайр қилишга эриша олмади, ҳайдовчи уларнинг автобусга чиқишига рухсат бермади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.