Видеофакт: Тошкентда ҳатто самолётлар ҳам «светофорнинг яшил чироғига» учиб ўтади

Facebook’даги «Водители Ташкента (Drivers.uz)» гуруҳи аъзоларидан бири қизиқарли видео эълон қилди. Видео Тошкент аэропортининг атрофидан ўтган Қумариқ кўчасидаги светофорлардан бири олдида олинган.

Видеода автомобиллар светофорнинг қизил чироғига тўхтаган вақтда, уларнинг устидан самолёт учиб ўтгани акс этган.

Фойдаланувчилар бу видеохабарни хурсандчилик билан кутиб олган. «Қойил қолса бўлади, самолёт яшил чироққа ўтди», — деб ҳазил қилган фойдаланувчилардан бири.

Самолёт видеога шундай тушганки, гўё унинг йўлида «яшил чироқ» ёниб, у ҳаракатланишда давом этгандек таассурот уйғонади. Самолёт ўтиб кетиши билан, видеога олаётган машина йўлида яшил чироқ ёнган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.