Уйдаги нохуш ҳиддан қутулиш учун биринчи навбатда унинг манбасини топиш зарур. Фақат шу йўл билан хонадонингизга тоза ҳавони қайтариш мумкин.
Агар уйингиздан худди нотурар жойларда бўлганидек зах ҳиди келса, бунинг сабабчиси моғор бўлиши мумкин. Моғор кўпинча намлик даражаси юқори бўлган, иссиқ ва ҳаво яхши айланмайдиган жойларда пайдо бўлади. Замбуруғнинг ўсиш ва кўпайиш жараёнида ёқимсиз ҳис тарқалади.
Моғордан қуйидаги восита ёрдамида қутулишингиз мумкин: таркибида хлор мавжуд бўлган оқартирувчи воситани 1:10 нисбатда сувда эритинг; аралашмани моғор ҳосил бўлган жойларга суринг, бунда қўлингизга махсус қўлқоп кийишни унутманг.
Куюк ёки уй ҳайвонлари ҳидидан гилам ва деворларни оқ цирка ва сув аралашмаси ёрдамида артиб чиқиш орқали халос бўлиш мумкин. Бу восита нафақат ҳидларни эмас, балки доғларни ҳам кетказади.
Шунингдек, ярим стакан нашатир спиртини беш литр сувда аралаштириб, уни пол ва деворларга суриб чиқиш мумкин. Бир неча дақиқадан сўнг тоза сув билан артиб олинади.
Хонадонимизга хушбўй ҳидни қайтарамиз
Ёқимли ҳидлар тозаликдан бошланади. Бироқ хушбўй чироқ ва шамлар, ҳавони тозаловчи махсус воситалар ёрдамида янада ёқимли муҳитни яратиш мумкин.Бир нечта ҳаётий тажрибалар
— Пахта дискини ўзингиз истаган эфир мойи билан намланг. Уйларни тозалай бошлаганингизда чангюткич биринчи уни юца, хоналарни тозалашда улар хушбўй ҳидга тўлади.
— Агар микротўлқинли печга таомлар ҳиди, масалан, попкорн ёки пишлоқ ҳиди ўтириб қолган бўлса, уни қуйидаги усул ёрдамида тозалаш мумкин: сув солинган идишга лимон ёки апелсин ёғи томизиб, уни максимал қувватда ёқилган печда қайнатиш лозим.
— Кийим шкафидан ёқимли ҳид таралиши учун кичикроқ мато қопчага сода солиб, бир неча томчи лаванда мойи томизинг. Уни яхшилаб боғлаб, кийимлар орасига солиб қўйинг.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)