Бугун — 26 декабрь куни футбол бўйича Англия Премьер-Лигасида 18-тур беллашувлари старт олди. Шу билан мамлакат футболида Boxing Day бошланди. Boxing Day «Уотфорд» ва «Кристал Пэлас» ўртасидаги ўйин билан бошланди. «Кристал Пэлас» янги бош мураббий – Сем Эллардайс қўли остида 1 очкога эришди.
Шундан сўнг бир вақтнинг ўзида 6 та ўйин бўлиб ўтди. Турнир пешқадами «Челси» ўз майдонида «Борнмут»ни қабул қилиб, Педронинг дубли ва Эден Азарнинг голи эвазига йирик – 3:0 ҳисобида зафар қучди. Шу тариқа, Антонио Конте жамоаси кетма-кет 12-ғалабасини нишонлади.
Boxing Day’нинг илк кунида «Манчестер Юнайтед» ўз майдонида турнир аутсайдери – «Сандерленд»ни қабул қилди. Жозе Моуриньо жамоаси 3:1 ҳисобидаги ишончли ғалабани тантана қилди. «МЮ» сафида голларга Дейли Блинд, Златан Ибраҳимович ва Генрих Мхитарян муаллифлик қилди.
«Арсенал» ҳам «совғалар куни»ни ўз майдонидаги ўйин билан бошлади. «Тўпчилар» ушбу турда «Вест Бромвич»ни 1:0 ҳисобида мағлуб қилди. Ягона голга Оливье Жиру 86-дақиқада муаллифлик қилди.
Қолган ўйин натижалари билан қуйида танишиш мумкин.
Англия Премьер-Лигаси18-тур беллашувлари26 декабрь, душанба
«Уотфорд» – «Кристал Пэлас» 1:1 (0:1)
Голлар: 0:1 – 26 Кабай, 1:1 – 71, пенальти Дини.«Суонси» – «Вест Ҳэм» 1:4 (0:1)
Голлар: 0:1 – 13 Айю, 0:2 – 50 Рид, 0:3 – 78 Антонио, 1:3 – 89 Льоренте, 1:4 – 90 Кэрролл.«Бёрнли» – «Мидлсбро» 1:0 (0:0)
Гол: 1:0 – 80 Грей.«Арсенал» – «Вест Бромвич» 1:0 (0:0)
Гол: 1:0 – 86 Жиру.«Манчестер Юнайтед» – «Сандерленд» 3:1 (1:0)
Голлар: 1:0 – 39 Блинд, 2:0 – 82 Ибраҳимович, 3:0 – 86 Мхитарян, 3:1 – 90 Борини.«Челси» – «Борнмут» 3:0 (1:0)
Голлар: 1:0 – 24 Педро, 2:0 – 49, пенальти Азар, 3:0 – 90 Педро.«Лестер» – «Эвертон» 0:2 (0:0)
Голлар: 0:1 – 51 Миральяс, 0:2 – 90 Лукаку.«Халл Сити» — «Манчестер Сити» 0:3 (0:0)
Голлар: 0:1 – 72, пенальти Туре, 0:2 – 78 Ихеаначо, 0:3 – 90, автогол Дэвис.Якунига етган учрашувлардан сўнг турнир жадвали қуйидаги кўринишни ҳосил қилди.
27 декабрь, сешанба
«Ливерпуль» — «Сток Сити»
28 декабрь, чоршанба
«Саутгемптон» — «Тоттенҳэм»
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)