Аҳмад ҳожи Қодиров номли жамоатчилик фонди Сурияга озиқ-овқат маҳсулотларининг навбатдаги йирик туркумини жўнатди. Бу ҳақда Чеченистон раҳбари Рамзан Қодиров Instagram’даги саҳифасида маълум қилди, дея хабар беради «ТАСС».
«Сурияга озиқ-овқат маҳсулотларининг йирик туркумини юклаган янги конвой жўнатилди. Колонна 80 тонна ёғ, ун, шакар, гуруч ва бошқа маҳсулотларни олиб кетмоқда», — таъкидлади Қодиров.
Сентябрда фонд ас-Сувайда шаҳридаги қочқинлар лагерига 10 тонна озиқ-овқат маҳсулоти юборди. 7 мингдан ортиқ суриялик мактаб ўқувчисига кийим-кечак ва ўқув қуроллари берилди.
Шунингдек, Қурбон ҳайити байрами муносабати билан Дамашқ, Латакия, Тартус ва Алеппо аҳолисига 2,5 мингдан ортиқ қўй, 100 та ҳўкиз ва 10 та туя етказилди.
Изоҳ (0)