Олимлар 2013 йил февралида қулаган «Челябинск» метеорити «ҳаёти»нинг босқичларини реконструкция қилишга муваффақ бўлди. Бу ҳақда Россия Фанлар Академияси метеоритлар бўйича қўмитаси аъзоси профессор Виктор Гроховский журналистларга ҳикоя қилиб берди, деб хабар қилади «ТАСС».
«Биз ‘Челябинск’ метеорити тарихини тикладик. У бир неча босқичдан иборат. Улар жисмнинг ҳосил бўлишидан Ерга қулашигача бўлган эволюциясини акс эттиради. Дастлаб сайёра асоси ҳосил бўлган, сўнг муҳим воқеалар бўлиб ўтган, ниҳоят, охирги зарбдор ҳодиса натижасида объектнинг бир қисми ажралиб чиққан. Комета билан урилиш бўлгани ҳам тахмин қилинади. Шундан кейин у атмосферага кириб келган, парчаланган, Челябинск вилоятига қулаган ва топилмалар асосида ўрганилган», — маълум қилди мутахассис.
«Челябинск» метеорити Ер атмосферасига 2013 йил 15 февралида кирган эди. У 30–50 километр баландликда атмосферада кучли портлаш келтириб чиқарди ва парчаларга бўлиниб, Россиянинг Челябинск вилоятидаги турли нуқталарга қулади.