Колумбияда 29 ноябрга ўтар кечаси бортида Бразилиянинг «Шапекоэнсе» футболчилари бўлган самолётнинг ҳалокатга учрашидан сўнг аввал омон қолиб, кейин шифохонада жон берган дарвозабон Данило Падилья мухлислар танлови бўйича Бразилияда йилнинг энг яхши футболчиси деб топилди. Бу ҳақда «Sports.ru» хабар бермоқда.
Авиаҳалокатдан олдин 31 ёшли посбон овоз бериш жараёнида 12-ўринда бораётган эди, аммо якунда у 47,93 фоиз овоз тўплади ва сўровномада ғолиб чиқди. Тақдирлаш маросимида Данилонинг онаси иштирок этди ва унинг мукофотини қабул қилиб олди.
Қайд этиш керакки, авиаҳалокатда «Шапекоэнсе» клубининг 27 нафар жамоа аъзосидан 23 нафари воқеа жойида ҳалок бўлганди. Захира дарвозабони Жексон Фолманн ҳамда ҳимоячилар Хелио Сампьер Нето ва Алан Рушель омон қолган. Юқорида таъкидланганидек, асосий дарвозабон Данило шифохонада жон берганди. Клубнинг 9 нафар аъзоси Колумбия сафаридан четда қолганди.
Авиаҳалокатда омон қолган «Шапекоэнсе» ҳимоячиси футболга қайтиши мумкинлиги маълум қилинди
Колумбиядаги авиаҳалокатда тирик қолган «Шапекоэнсе» дарвозабонининг оёғи кесиб ташланди
Авиаҳалокатда омон қолган «Шапекоэнсе» футболчиси юра бошлади (видео)
Мудҳиш воқеадан сўнг «Атлетико Насьональ» жамоаси «Шапекоэнсе»ни Копа Судамерикано ғолиби деб эълон қилиш таклифини билдирди. Кейинроқ Жанубий Америка футбол конфедерацияси (КОНМЕБОЛ) «Шапекоэнсе» клубини расман Копа Судамерикана ғолиби деб эълон қилди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)