Kolumbiyada 29-noyabrga o‘tar kechasi bortida Braziliyaning “Shapekoense” futbolchilari bo‘lgan samolyotning halokatga uchrashidan so‘ng avval omon qolib, keyin shifoxonada jon bergan darvozabon Danilo Padilya muxlislar tanlovi bo‘yicha Braziliyada yilning eng yaxshi futbolchisi deb topildi. Bu haqda “Sports.ru” xabar bermoqda.
Aviahalokatdan oldin 31 yoshli posbon ovoz berish jarayonida 12-o‘rinda borayotgan edi, ammo yakunda u 47,93 foiz ovoz to‘pladi va so‘rovnomada g‘olib chiqdi. Taqdirlash marosimida Daniloning onasi ishtirok etdi va uning mukofotini qabul qilib oldi.
Qayd etish kerakki, aviahalokatda “Shapekoense” klubining 27 nafar jamoa a’zosidan 23 nafari voqea joyida halok bo‘lgandi. Zaxira darvozaboni Jekson Folmann hamda himoyachilar Xelio Sampyer Neto va Alan Rushel omon qolgan. Yuqorida ta’kidlanganidek, asosiy darvozabon Danilo shifoxonada jon bergandi. Klubning 9 nafar a’zosi Kolumbiya safaridan chetda qolgandi.
Aviahalokatda omon qolgan “Shapekoense” himoyachisi futbolga qaytishi mumkinligi ma’lum qilindi
Kolumbiyadagi aviahalokatda tirik qolgan “Shapekoense” darvozabonining oyog‘i kesib tashlandi
Aviahalokatda omon qolgan “Shapekoense” futbolchisi yura boshladi (video)
Mudhish voqeadan so‘ng “Atletiko Nasyonal” jamoasi “Shapekoense”ni Kopa Sudamerikano g‘olibi deb e’lon qilish taklifini bildirdi. Keyinroq Janubiy Amerika futbol konfederatsiyasi (KONMEBOL) “Shapekoense” klubini rasman Kopa Sudamerikana g‘olibi deb e’lon qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)