Ҳиндистон олимлари ўргимчакларнинг янги турини аниқлади ва унга «Гарри Поттер»даги Тақсимловчи шляпа шарафига Eriovixia gryffindori номини берди, деб ёзади Meduza.
Бунга ўргимчакнинг ноодатий шакли сабаб бўлди: у жигар ранг, учли шляпани эслатади. Бу унга ўзини қуриган баргдек кўрсатиб, йиртқичлардан ҳимояланиш имконини беради.
Олимлардан бирининг ҳикоя қилишича, у ўсмирлигида Гарри Поттер ҳақидаги китобларни жуда яхши кўрган. «Бу митти ўргимчакни учратганимизда, Тақсимловчи шляпа ёдимга тушди», — дейди Жавод Аҳмад.
«Гарри Поттер» муаллифи Жоан Роулинг олимларни янги турнинг кашф этилиши билан табриклади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)