Трамп ўзига тегишли барча акцияларни сотиб юборди

АҚШ президентлигига сайланган Дональд Трамп июнь ойидаёқ турли компаниялардаги ўз улушларини сотиб юборди. Миллиардер акцияларни айнан кимга сотганлиги ҳақида ҳозирча маълумотлар йўқ. Бу ҳақда The Washington Post газетаси маълум қилди, деб ёзади «РБК».

Гап унинг банклар, нефть гигантлари ва бошқа компаниялардаги улушлари ҳақида бормоқда.

Трампнинг матбуот котиби Жейсон Миллер у акцияларни кимга ва қанчага сотганлиги ҳақидаги саволга жавоб қайтаришга қийналди. Қонун бўйича миллиардер молиявий ҳолати ҳақидаги маълумотларни 2018 йилнинг майига қадар ошкор этмасликка ҳақли.

Нашрнинг таъкидлашича, Трамп томонидан акцияларнинг сотиб юборилиши Оқ уйда қарорлар қабул қилиш давомида манфаатлар тўқнашуви ва муаммоларнинг олдини олиш имконини беради.

Трамп, шунингдек, 15 декабрь куни шахсий компанияси — Trump Organization бўйича режалари ҳақида маълум қилишга ваъда берган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.