Дамашқ ташқарисидаги Хон-аш-Шайх шаҳарчасида уч мингга яқин жангари ўз ихтиёри билан таслим бўлди, оилалари билан биргаликда улар автобусга ўтириб, Идлиб провинциясига жўнаб кетди, деб ёзади «РИА Новости».
«Узоқ давом этган оғир музокаралардан кейин жангариларнинг жанговар ҳаракатларни тўхтатиш режимига қўшилиши ҳақидаги битимга эришилди», — деди Сурия ҳудудида душман томонларни яраштириш маркази вакили.
Радикаллар ҳукуматга 500 дан ортиқ ўқотар қуроллар, снайпер милтиқлари ва ўнлаб 120 миллиметрли миномётларни топширди. Шаҳарда жангарилар фойдаланган қурол ишлаб чиқарувчи цехлар ва омборлар сақланиб қолди.
Хон-аш-Шайхда биноларнинг кўпчилиги вайрон бўлган, шаҳарчада кўп миқдорда портлашга улгурмаган ўқ-дорилар ҳам қолди, уларнинг бир қисмини сапёрлар ўша жойнинг ўзидаёқ портлатишига тўғри келмоқда.
Изоҳ (0)