Трамп CNN телекомпаниясини сайловолди кампаниясини янглиш равишда ёритишда айблади

АҚШ президенти этиб сайланган Дональд Трамп CNN телекомпаниясини танқид қилди. Унинг фикрича, телекомпания томонидан сайловолди кампанияси янглиш равишда ёритилган, унда журналистлар гўёки демократлардан номзод Ҳиллари Клинтонни тўлиқ қўллаб-қувватлаган. Тегишли хабар 28 ноябрь, душанба куни республикачи томонидан Twitter микроблогига жойлаштирилган, деб ёзади «ТАСС».

Унда Трамп CNN журналистлари Ҳиллари Клинтонни тўлиқ (100 фоиз) қўллаб-қувватлаганлиги, энди эса у қақшатқич мағлубиятга учраганлиги учун ноқулай бўлаётганлигини таъкидлаган. «Улар шунчаки нима қилишни билмаяпти», — деб ёзди Трамп телеканал журналистлари ҳақида.

27 ноябрь, якшанба куни Трамп учта штатда овозлар гўёки нотўғри талқин қилинганлигини маълум қилган. «Виржиния, Нью-Гэмпшир ва Калифорниядаги овоз беришларда жиддий қалбакилаштирилган бўлса, нега бу ҳақда ОАВлар хабар бермаяпти? Нотўғри тушунча — бу катта муаммо!» — деди у Twitter’да.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.