Исроил ёнғинларни ўчириш бўйича халқаро операция якунланганини эълон қилди
Исроил ҳукумати 29 ноябрь, сешанба куни мамлакатдаги ёнғинларни ўчириш бўйича халқаро операция якунланганини эълон қилди, деб ёзади «ТАСС».
«Бутун Исроил бўйлаб ёнғинни ўчириш бўйича беш кунлик операция якунланди, унда ўнта мамлакатдан халқаро кучлар 19 та самолёти билан қатнашди», — дейилади полиция расмий хабарида. Сешанбадан операцияга жалб қилинган барча ёнғин бўлинмалари одатий иш режимига ўтказилади.
Ёнғинга қарши кураш операциясида Ўт ўчириш хизматининг 16 та самолёти ва тўртта вертолёти қатнашди. Ўтни ўчиришда Россия фавқулодда вазиятлар вазирлигининг Бе-200 амфибия самолётлари фаол иштирок этди. Исроил Россия, Греция, Италия, Хорватия, Кипр, Испания, Туркия ва Озарбайжонга ёрдам сўраб мурожаат қилди.
Бир ҳафта ичида Исроил ҳудудида 1773 та аланга ўчоқлари қайд этилди. 39 та йирик ёнғинни ўчиришга ўндан ортиқ ўт ўчириш гуруҳлари жалб қилинди.
