АҚШнинг Калифорния штатидаги Санта-Клара округида 24 ноябрга ўтар кечаси тўрт нафар маҳбус қамоқдан қочиб кетди. «ТАСС»нинг AP’га таяниб билдиришича, улар камера деразасидаги панжарани арралаб, чойшабдан тайёрланган арқонда иккинчи қаватдан пастга тушиб олган.
Округ полицияси вакили Рик Гленноннинг сўзларига қараганда, қочоқларнинг икки нафари ўша пайтнинг ўзида қўлга олинган, қолган икки нафари эса ҳозирча топилмаган.
Жиноятчиларни қидиришда мобил гуруҳлар, хизматчи итлар, шунингдек, вертолёт иштирок этмоқда.
Изоҳ (0)