АҚШдаги сайловолди пойгаси чоғида Ҳиллари Клинтонни қўллаб-қувватлаган америкалик миллиардер инвестор Уоррен Баффет Дональд Трампнинг ғалабасидан кейинги давр ичида ўз давлатини 11 миллиард доллардан зиёдга кўпайтирди, деб ёзади «Ведомости».
Баффетнинг бойлиги АҚШда Трампнинг ғалабасидан кейин кузатилган молиявий сектордаги компаниялар акциялари курсининг ошиши натижасида кўпайди. Бунга бўлажак президентнинг ушбу секторни назорат қилишни сусайтириш режалари сабаб бўлди.
Баффетт Berkshire Hathaway холдинг компаниясини бошқаради. Унинг портфелига кирувчи молиявий компаниялар котировкалари ўсиши натижасида Баффетнинг давлати 4,3 миллиард долларга кўпайди. Яна 3,8 миллиард долларни у Berkshire Hathaway’нинг ўз бозор капитализацияси ўсиши ҳисобига орттирди. Бундан ташқари, Bank of America’нинг 700 миллионта акциясини сотиб олиш учун Баффеттга тегишли узоқ муддатли опционлар нархининг ошиши миллиардерга қўшимча 3 миллиард доллар келтирди. Трампнинг ғалабасидан кейин Баффетт жами 11,1 миллиард долларга бойиди.
Изоҳ (0)