Номаълум хакерлар АҚШ ҳарбий-денгиз кучларининг (ҲДК) 134 мингдан ортиқ хизматни ўтаётган ва истеъфога чиққан ҳарбий хизматчисига оид маълумотлар сақланаётган ноутбукни бузиб кирди. Бу ҳақда ҲДК бошлиғининг шахсий таркиб бўйича ўринбосари Роберт Беркнинг матбуот хизмати маълум қилди, дея хабар беради «ТАСС».
Матбуот хизматига кўра, 27 октябрда Hewlett Packard компанияси АҚШ ҲДКни мамлакат Қуролли кучларида хизмат қиладиган ходими ноутбукига бузиб кирилгани ҳақида хабардор қилган. 22 ноябрда, дастлабки таҳлиллардан сўнг, номаълум шахслар махфий маълумотлар, жумладан, ҲДКнинг 134 минг 386 нафар хизматдаги ва истеъфодаги ҳарбий хизматчиси исми-шарифи ҳамда ижтимоий суғурта рақами бўйича маълумотларга эга бўлганини кўрсатди.
«АҚШ ҲДК мазкур ҳодисага ўта жиддий қарайди. Бу бизнинг ҳарбий хизматчиларимиз ишончи билан боғлиқ масала. Текширувнинг дастлабки босқичида турибмиз, жабрланганларга зарур ёрдам кўрсатилади», — дея таъкидлади вице-адмирал Роберт Берк.
Матбуот хизмати текширувларнинг дастлабки босқичи бузиб кириш натижасида қўлга киритилган маълумотлардан ноқонуний фойдаланилгани ҳақида хулоса чиқаришга асос бермаслигини маълум қилди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)