Тамила ва Амира Алибековадан қўшиқлари ҳам, тахаллуслари ҳам олиб қўйилди

Хонандалар Тамила ҳамда Амира Алибекова қўшиқларидан ҳам, тахаллусларидан ҳам айрилгани ҳақида «Sayyod.com» «Maestro» фирмаси раҳбарининг сўзларига таяниб маълум қилди.

Ҳар икки қўшиқчи «Maestro» фирмасининг лойиҳаси бўлиб, фирма продюсери Нажот Агзамов улар билан тузилган шартнома якунига етгани ва қайта чўзилмаслигини айтиб ўтди: «Тамила ва Амира Алибекова лойиҳалари шартнома муддати тугагани муносабати билан тўхтатилди. Уларнинг ‘Maestro’ орқали берилган тахаллуслари ҳамда барча қўшиқлари фирма захирасида қолади».

«Maestro», шунингдек, қўшиқчи Ягонага ҳам продюсерликлик қилган. «Ягонанинг тахаллуси қолди ва фирма билан шартнома даврида ёзилган қўшиқларидан фойдаланиш ҳуқуқи унга берилди», — деб қўшимча қилган Нажот Агзамов.

Маълумот учун, Тамиланинг асл исм-шарифи Эсмералда Раҳматова, Амира Алибекованики эса Аделя Алибекова. Камилла Умарова эса Ягона тахаллуси билан ижод қилган. Камилла «Зеро» гуруҳидан кейинги фаолияти давомида Ягона тахаллусини олганди. «Maestro» билан шартнома тузаётганида эса тахаллусини фирма номига расмийлаштирган бўлган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.