ФИФА видеоҳакамлик тизимини (VAR) Италия ва Германия терма жамоалари ўртасидаги ўртоқлик учрашувида синовдан ўтказади. Бу ҳақда, BBC’га асосланиб, «ТАСС» хабар бермоқда.
Ҳакамлик бригадаси таркибига икки ёрдамчи киритилади. Улар учрашувнинг энг муҳим лаҳзаларини (голларнинг қайд этилиши, пенальти белгиланиши, қизил карточка кўрсатиш қарорлари ва бошқалар) видеотакрорларда кўриб боради.
Халқаро миқёсда ушбу технология илк бор 2016 йил сентябрида Италия ва Франция термалари учрашувида (1:3) синаб кўрилган эди.