Футбол бўйича Англия Лига Кубогининг чорак финалига йўлланма олган барча клуб номига ойдинлик киритилди. 25 октябрь куни нимчорак финалнинг бешта ўйини якунига етган бўлса, орадан бир кун ўтиб қолган уч учрашув бўлиб ўтди.
«Манчестер Юнайтед» ва «Манчестер Сити» клублари ўртасидаги дерби Жозе Моуриньо шогирдларининг минимал ҳисобдаги ғалабаси билан якунига етди. Учрашувдаги ягона голга Хуан Мата муаллифлик қилди. Англия Премьер-Лигаси доирасида кечган мазкур жамоаларнинг ўзаро беллашувида «Сити» 2:1 ҳисобида устун келганди.
«Вест Ҳэм» ва «Челси» ўртасидаги Лондон дербиси эса Славен Билич жамоасининг ғалабаси билан якунига етди. Шу тариқа Хосеп Гвардиола, Антонио Конте, Маурисио Почеттино, Клаудио Раньери каби мутахассислар бошқарадиган жамоалар Англия Лига Кубогини тарк этди.
Англия Лига Кубоги Ним чорак финал 26 октябрь, чоршанба
«Манчестер Юнайтед» — «Манчестер Сити» 1:0
Гол: Хуан Мата, 54 (1:0).«Вест Ҳэм» — «Челси» 2:1
Голлар: Шейху Куяте, 11 (1:0). Эдмилсон Фернандес, 48 (2:0). Гарри Кехилл, 90+4 (2:1).«Саутгемптон» — «Сандерленд» 1:0
Гол: Софиян Буфаль, 66 (1:0).Чорак финал«Манчестер Юнайтед» — «Вест Ҳэм»«Арсенал» — «Саутгемптон»«Ливерпуль» — «Лидс»«Халл Сити» — «Ньюкасл»
Изоҳ (0)