Microsoft корпорацияси асосчиси Билл Гейтснинг фикрича, Европага келаётган муҳожирлар жамиятга фойда келтириши мумкин. Бу ҳақда у Франциянинг Europe1 радиостанциясига берган интервьюсида айтиб ўтди, деб хабар беради «ТАСС».
«Муҳожирлар устунлик бериши мумкин. Улар Европага интеграциялашиши мумкин», — деди миллиардер.
«Уларнинг кўпчилиги иқтидор ва қобилиятга эга. Агар уларга имконият берилса, бу муҳожирлар жамиятга фойда келтириши мумкин», — қўшимча қилди Гейтс.
Халқаро миграция ташкилоти маълумотларига қараганда, 16 октябрь ҳолатига кўра Европага 318816 киши етиб келди. Муҳожирларнинг асосий қисмини Греция (168689 киши) ва Италия (145128 киши) қабул қилди.