Қиролича Елизавета II патриарх Кирилл билан учрашди

Буюк Британия қироличаси Елизавета II Москва ва Бутун Русь патриархи Кириллни расмий қароргоҳи — Букингем саройида қабул қилди. Бу ҳақда «Корреспондент.net» хабар бермоқда.

Елизавета II Англия черкови раҳбари ҳисобланади.

Икки томон православ динига мансуб кишиларнинг Яқин Шарқдаги ҳамда анъанавий христианликнинг Европадаги аҳволини муҳокама қилди.

Патриарх 15 октябрь, шанба куни Русь черковининг Британия оролларига етиб боришининг 300 йиллиги муносабати билан Буюк Британияга ташрифини бошлаган эди.