«Атлетико» жамоаси «Ростов»га қарши меҳмонда ўтказадиган ўйин учун бирорта чипта сота олмади

Испаниянинг «Атлетико» футбол жамоаси Чемпионлар Лигасининг гуруҳ босқичи доирасида Россиянинг «Ростов» жамоасига қарши меҳмонда ўтказадиган учрашув учун мухлисларига бирорта чипта сота олмади. Бу ҳақда «Газета.ru» хабар бермоқда.

Россия жамоаси матбуот хизматининг маълум қилишича, «Атлетико» ўз мухлисларига қанча чипта керак бўлишини олдиндан айтиб, уларни банд қилиб қўйган. Аммо бир муддатдан сўнг испанияликлар бирорта чипта сота олмаганини маълум қилиб, квотани қайтариб берган.

«Демак, ташриф буюрган ишқибозлар мустақил равишда келган, уларнинг айримлари россиялик ишқибозлар билан бирга ўтиради», — деди матбуот хизмати вакили.

Учрашув 19 октябрь Москва вақти билан соат 21:45 да бошланади.