Баҳрайнда бўлиб ўтаётган футбол бўйича ёшлар ўртасидаги Осиё Чемпионатида Ўзбекистон термаси кетма-кет иккинчи ғалабасига эришиб, Ироқдан кейин чорак финал масаласини ҳал қилган иккинчи жамоага айланиб олди.
Мусобақани Тожикистон устидан қозонилган иродали ғалаба билан бошлаган ўзбекистонлик футболчилар, 2-турда Австралияни мағлуб этди — 3:1. Учрашувни бошқариб борган ҳакам 55-дақиқада ўзбекистонлик футболчини майдондан четлатди, 63 ва 93-дақиқаларда эса Ўзбекистон дарвозаси томон 2 марта 11 метрлик жарима зарбаси тайин қилди. Шунга қарамай Жасур Абдураимов шогирдлари ҳисобдаги устунликни сақлаб қола олди.
Ўзбекистон 3-турни 21 октябрь куни гуруҳ аутсайдери Хитойга қарши ўтказади. Мазкур беллашувда ҳисоб қандай бўлиши Ўзбекистон учун аҳамиятга эга эмас. Боиси жамоа муддатидан аввал гуруҳ пешқадамига айланди.
2-турнинг иккинчи ўйинида Тожикистон терма жамоаси Хитойни мағлуб этди — 2:0. Хитой турнирдаги илк ўйинида Австралияга ҳам имкониятни бой берганди — 0:1.
Чорак финалда Ўзбекистон термаси «C» гуруҳида иккинчи бўлган жамоага қарши кураш олиб боради. Мазкур зонада 2-турдан кейин Япония ва Қатар 4 тадан, Эрон эса 2 та очкога эга.
Осиё Чемпионати—U19 «D» гуруҳи. 2-тур 18 октябрь, сешанба
Ўзбекистон — Австралия 3:2
Голлар: Бобур Абдихолиқов, 28 (1:0). Достон Ибрагимов, 38 (2:0). Достон Ибрагимов, 47 (3:0). Лиам Юллий, 63-пен (3:1). Жорж Блеквуд, 90+3-пен (3:2).Четлатиш: Ислом Қобилов, 55 (Ў).Ўзбекистон У19: Умид Хамроев — Ҳожиакбар Алижонов, Ислом Қобилов, Хушнуд Авилов, Азиз Ғаниев, Жасур Яхшибоев (Саиджамол Давлатжонов, 84), Бобур Абдихолиқов (Жавоҳир Эсонқулов, 69), Шароф Муҳиддинов, Ойбек Рустамов, Жамшид Юсупов, Достон Ибрагимов (Шоҳрух Маҳмудҳожиев, 82).