Android мухлислари яқинда тақдим этилган Google Pixel смартфонларининг iPhone 7’га нисбатан бешта асосий устун жиҳатларини санаб ўтди, деб ёзади «Корреспондент.net». Улар қаторига, аввало, қурилманинг бақувват камерасини киритишди, у ишлаб чиқарувчи сўзларига кўра, замонавий смартфонлар бозоридаги энг яхшисидир.
Google Pixel смартфонлари камераси 12 мегапикселли Sony IMX378 сенсори билан жиҳозланган, бунда пикселлар ҳажми 1,55 мкм га етади. Шунингдек, камералар f/2.0 апертураси, фазали автофокусировка ва ёруғлик диодли вспишкага эга бўлди. Ушбу камера билан ҳар қандай шароитда сифатли суратларни олиш мумкин.
Google смартфони таклиф эта оладиган бошқа афзалликлар орасида видео ва фотосуратлар учун чексиз булут бор, у тўлиқ ҳажмли фотосуратларни ва 4K форматидаги видеоларни Google Photos’да сақлаш имконини беради.
Шунингдек, янги Android-гаджетлар Daydream VR-платформасини кўтара олади, Google Assistant овозли ёрдамчиси билан жиҳозланган ҳамда 15 дақиқада 7 соат автоном ишлашга етадиган қувват билан таъминлайдиган тезкор зарядлаш функциясига эга.
Изоҳ (0)