Рим Папасига «Барселона» ўйинчилари дастхати туширилган футболка совға қилинди

Рим Папаси Франциск «Барселона» футболчиларининг дастхати туширилган футболкани совға сифатида қабул қилиб олди. Бу ҳақда каталонияликлар матбуот хизмати хабар бермоқда.

Рим Папаси «Мустаҳкам» номли дастурни амалга ошираётган Испания делегациясини ўзида қабул қилди. Мазкур дастур Каталонияда ёш болалар қашшоқлигига қарши курашга қаратилган.

Делегация таркибида «Барселона» вакили Хорди Кардонер ҳам бўлган ва айнан у понтификка совғани тақдим қилди.

Рим Папаси футбол ишқибози ҳисобланади. У Аргентинанинг «Сан-Лоренсо» клубига мухлислик қилади.

Аввалроқ Франциянинг «Ницца» клуби раҳбари жамоа ҳужумчиси Марио Балотеллининг имзоси туширилган футболкани Рим Папасига совға қилганди.