Rim Papasi Fransisk Fransiyaning “Nitssa” futbol klubidan jamoa hujumchisi Mario Balotellining dastxati tushirilgan futbolkani sovg‘a tariqasida qabul qilib oldi, deb xabar bermoqda “Chempionat”.

Foto: Twitter / @ogcnice

Foto: Twitter / @ogcnice

Ushbu sovg‘ani Italiyaga Nitssa shahri meri Kristian Estrozi olib keldi.

Mer Italiyaning markaziy qismida sodir bo‘lgan zilzila oqibatida jabrlanganlarga dalda so‘zlarini aytish uchun Italiyaga tashrif buyurdi va pontifik tomonidan qabul qilindi.

Fransiya chempionati 7-turida “Nitssa” Mario Balotellisiz safarda “Nansi” klubini 1:0 hisobida mag‘lubiyatga uchratdi. Balotelli o‘zi maydonga tushgan ikki o‘yinda to‘rtta gol urishga muvaffaq bo‘lgan edi.