Rim Papasi Fransisk “Barselona” futbolchilarining dastxati tushirilgan futbolkani sovg‘a sifatida qabul qilib oldi. Bu haqda kataloniyaliklar matbuot xizmati xabar bermoqda.
Rim Papasi “Mustahkam” nomli dasturni amalga oshirayotgan Ispaniya delegatsiyasini o‘zida qabul qildi. Mazkur dastur Kataloniyada yosh bolalar qashshoqligiga qarshi kurashga qaratilgan.
Delegatsiya tarkibida “Barselona” vakili Xordi Kardoner ham bo‘lgan va aynan u pontifikka sovg‘ani taqdim qildi.
Rim Papasi futbol ishqibozi hisoblanadi. U Argentinaning “San-Lorenso” klubiga muxlislik qiladi.
Avvalroq Fransiyaning “Nitssa” klubi rahbari jamoa hujumchisi Mario Balotellining imzosi tushirilgan futbolkani Rim Papasiga sovg‘a qilgandi.
Izoh (0)