Бугун,

  • USD 10940.05
  • RUB 182.26
  • EUR 11121.65

21—23 сентябрда ICТWеек 2016 Ахборот-коммуникация технологиялари ҳафталиги доирасида Тошкент ва Наманган шаҳарларида анъанавий ICTExpo 2016 ахборот технологиялари миллий кўргазмаси бўлиб ўтди.

Фото: Ucell

Фото: Ucell

Мазкур кўргазмада Ucell компанияси «Инновациялар – барча учун!» шиори остида сўнгги маҳсулот ва хизматлари билан қатнашди.

Аввалги кўргазмаларда Ucell компанияси тўрт марта «Энг кўп ташриф буюрилган стенд» мукофотига сазовор бўлганди. Жорий йилда компания жамоаси мазкур намойишга мобил технологиялар соҳасидаги энг замонавий трендларни ҳисобга олган ҳолда янада ўзига хос тарзда ёндашди. Кўргазмага келганлар янгиликлар билан танишиш, уларни амалда синаб кўриш ҳамда энг юқори тезликдаги мобил интернетдан синов тариқасида фойдаланиш имконига эга бўлди.

Ҳар бир меҳмонга Ucell компанияси вакилидан компаниянинг кўргазмадаги тадбирлари дастури ва махсус бейж тақдим этилди. Бейждаги шахсий рақам Ucell ўйинларида қатнашиш ва қимматли совғаларни ютиб олиш имконини берди. Дастурда танлов ва викториналар номлари ва вақти кўрсатилган. Танловларнинг аксарияти компаниянинг тариф ва хизматларига бағишланди, масалан, «1 та SIM-карта – 2 та мамлакат», «Рақамни брон қилиш», «Мобил анонс» викториналари, «Бахтли 25» тарифи шулар жумласидан.

Компаниянинг энг қизиқарли стендларидан бири — тўртинчи авлод технологиясига, унинг Тошкент шаҳри ва ҳудудлардаги қамрови, мобил интернет билан боғлиқ маҳсулотлар ва хизматларга бағишланган. 4G-смартфонларидан фойдаланган ҳолда юқори тезликни текшириб, синаб кўриш имконини берувчи синов ҳудуди ҳам меҳмонларни мамнун қилди.

Кўргазмада ҳар бир киши ўзини янги қиёфада кўриш имконига эга бўлди. Хореограф Сергей Злотник ва UZduo жамоасининг акробатлари ташкил этган маҳорат дарслари ҳамда бошқа кўплаб танловларда фаол иштирок этганлар Ucell компаниясининг эсдалик совғалари билан тақдирланди.

Жорий йилда компания Наманган шаҳридаги «Паҳлавон» спорт мажмуасида ҳам ўз стендини намойиш этди. Бу ерга ташриф буюрганларга энг оммавий хизматлар ва маҳсулотлар ҳақида маълумот берилди, танлов ва викториналар ташкил этилиб, қимматбаҳо совғалар топширилди. Истеъмол сегменти департаменти директори Агшин Гаджиевнинг сўзларига кўра, Ucell компанияси инновация хизматлари бўйича янги ишланмалар устида иш олиб бормоқда. Компания мобил хизматлар бозорига сармоя киритиб, уни янада кенгайтиришга ҳисса қўшмоқда ва шу орқали мижозларнинг кундалик ҳаёти ва фаолиятини янада содда, қулай, тежамкор, бир сўз билан айтганда, янада яхшироқ қилишга ҳаракат қилмоқда.

— Мазкур кўргазмада иштирок этиш биз учун фикр ва маълумот алмашиш учун ажойиб имконият бўлди, — дейди А.Гаджиев. — Биз ўз мижозларимиз билан учрашишдан ҳамиша бахтиёрмиз. Бундан ташқари, мазкур кўргазма компаниямиз тараққиёти ва мамлакатимиз иқтисодиётини янада ривожлантиришда янги ҳамкорлик алоқаларини ўрнатиш учун муҳим асос бўлиб хизмат қилади.

Мазкур кўргазма Ўзбекистон Республикаси Ахборот технологиялари ва коммуникацияларини ривожлантириш вазирлиги, Олий Мажлис Қонунчилик палатасининг Ахборот ва коммуникация технологиялари масалалари қўмитаси, Вазирлар Маҳкамасининг Ахборот тизимлари ва телекоммуникациялар масалалари ахборот-таҳлилий департаменти расмий кўмагида ташкил этилиб, мамлакатда ушбу соҳада ўтказиладиган эътиборга молик тадбирлардан бири ҳисобланади.

ICТWеек ҳафталиги – замонавий технологиялар ютуқлари намойиш этиладиган тадбир. Ucell компанияси ўз мижозлари билан юзма-юз учрашиб, уларнинг фикрини ўрганиб, тақдим этилаётган хизматлар сифатини оширмоқда.

Реклама ҳуқуқи асосида. Хизматлар лицензияланган.

Изоҳ
Асосий янгиликлар