Габон мухолифати етакчиси Жан Пинг президент Али Бонго сайловларда ғалабага эришганини ўз кучида қолдирган мамлакат конституциявий суди қарорини «адолатсиз» деб атади. Бу ҳақда «Интерфакс» хабар бермоқда.
Пинг тарафдорларини ҳушёрликни йўқотмаслик ва сафарбарликка тайёр туришга чақирди. Президент эса кескинликни пасайтириш учун мухолифатнинг бир қатор вакилларини ҳукумат таркибига киритиш таклифини берди.
Али Бонго 2009 йилда, 42 йил давомида мамлакатни бошқарган отасининг ўлимидан сўнг ҳокимиятга келганди. Унинг 99,9 % сайловчи қатнашган провинцияда 95 % овоз тўплагани Пингнинг судга мурожаат этишига сабаб бўлди.
Мухолифат етакчиси мазкур провинцияда овозларни қайта ҳисоблаш ҳақидаги апелляцияси суд томонидан рад этилса, Габон жиддий беқарорликка дуч келиши ҳақида огоҳлантирди.
Изоҳ (0)