Германиянинг Volkswagen автоконцерни инвесторлари компанияга қарши даъво билан чиқиб, ундан умумий миқдорда 8,2 миллиард евро товон пули талаб қилмоқда. Бу ҳақда, Bloomberg агентлигига асосланиб, «Интерфакс» хабар бермоқда.
Аризалар Брауншвейг шаҳри округ судига киритилди. Жами судга 1400 даъво билан мурожаат этилди. Инвесторлар дизель можароси билан боғлиқ терговдан жуда кеч огоҳлантирилганидан норози. Мазкур можаро ва ундан кейин бошланган текширув ишлари туфайли компания қимматбаҳо қоғозларининг қиймати тушиб кетди.
Даъво аризаларидан бири қарийб 300 инвестор номидан киритилган бўлиб, унда 3,3 миллиард доллар товон пули талаб қилинмоқда. Яна бир жамоавий даъвода 700 миллион евро суммаси кўрсатилган.
Компания айбловларни рад этмоқда.
Германия автогиганти дизель можароси билан боғлиқ турли тўловлар учун умумий ҳисобда 18 миллиард евро маблағни захира қилиб қўйди. Можаро дунё бўйлаб сотилган 11 миллион автомобилни қамраб олади.
Изоҳ (0)