Америкалик актёр Брэд Питт ва актриса Анжелина Жолининг ажрашиши ҳақидаги хабарлар кўплаб мухлисларни ҳайратга солди, ижтимоий тармоқларни эса остин-устун қилиб юборди. Жоли вазиятга шахсан изоҳ бермади, аммо Питт матбуот билан суҳбатлашишга ўзида куч топди, деб хабар бермоқда «MK.ru».
People журналига берган интервьюсида Брэд Питт унинг турмуш ўртоғи Анжелина Жолининг ажрашиш қарорига ўз муносабатини билдирди ва ушбу воқеадан хафа эканини айтди.
«Лекин ҳозир энг муҳими — фарзандларимизнинг фаровонлиги», – деди Питт.
Жоли сингари Питт ҳам ОАВ вакилларидан уларнинг олти нафар фарзандини безовта қилмасликни сўради.
«Бранжелина» номини олган Брэд Питт ва Анжелина Жоли жуфтлиги 10 йиллик муносабатларидан сўнг 2014 йили расман турмуш қурган эди.
Жуфтликнинг 3 нафар ўзининг ва 3 нафар асраб олган болалари бор. Айнан Брэд Питтнинг болаларга бўлган муносабати жуфтликнинг ажрашишига сабаб бўлди, деди Жолининг адвокати.
Аввалроқ Анжелина Жолининг адвокати у Брэд Питт билан ажрашмоқчи эканлиги тасдиқлаган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)