Чемпионлар Лигаси. «Бавария» ва «Барселона» йирик ғалаба билан бошлади, «ПСЖ» «Арсенал»ни енга олмади

Футбол бўйича Европа Чемпионлар Лигасида 2016/17 йилги мавсумнинг гуруҳ босқичи старт олди.

Мусобақанинг амалдаги финалчиси ҳисобланган Мадриднинг «Атлетико» клуби «D» гуруҳининг илк турини «ПСВ» майдонида ўтказиб, минимал ҳисобда зафар қучди. Гуруҳдаги иккинчи беллашувда «Бавария» футболчилари «Ростов» дарвозасини беш бор аниқ нишонга олди.

«А» гуруҳининг марказий ўйини Париж шаҳрида кечиб, «ПСЖ» футболчилари «Арсенал»ни мағлуб эта олмади — 1:1. «Базел» ва «Лудогорец» ўртасидаги иккинчи ўйинда ҳам шу натижа қайд этилди.

«B» гуруҳида «Динамо» футболчилари Киев шаҳрида «Наполи»дан енгилган бўлса, «Бешиктош» «Бенфика»га қарши беллашувнинг сўнгги дақиқасида мағлубиятдан қутулиб қолди — 1:1.

Ва ниҳоят «C» гуруҳи иштирокчиси «Барселона» халқаро майдондаги юришини 7:0 ҳисобидаги ғалаба билан бошлади. «Камп Ноу»да «Селтик»ни қабул қилган каталонияликлар Мессининг хет-триги, Суареснинг дубли, Неймар ва Иньестанинг 1 тадан голи эвазига зафар қучди. Гуруҳдаги иккинчи — «Манчестер Сити» — «Боруссия Мёнхенгладбах» ўйини кучли ёмғир сабаб қолдирилди.

Европа Чемпионлар Лигаси 1-тур учрашувлари 13 сентябрь, сешанба

«А» гуруҳи

«ПСЖ» (Франция) — «Арсенал» (Англия) 1:1

Голлар: Эдинсон Кавани, 1 (1:0). Алексис Санчес, 78 (1:1).Четлатишлар: Оливье Жиру, 90+3 (А). Марко Верратти, 90+4 (П).

«Базел» (Швейцария) — «Лудогорец» (Болгария) 1:1

Голлар: Жонатан Кафу, 45 (0:1). Ренато Штеффен, 80 (1:1).

«B» гуруҳи

«Динамо Киев» (Украина) — «Наполи» (Италия) 1:2

Голлар: Денис Гармаш, 26 (1:0). Аркадиуш Милик, 36 (1:1). Аркадиуш Милик, 45+2 (1:2).Четлатиш: Сергей Сидорчук, 68 (Д).

«Бенфика» (Португалия) — «Бешиктош» (Туркия) 1:1

Голлар: Франко Серви, 12 (1:0). Талиска, 90+3 (1:1).

«C» гуруҳи

«Барселона» (Испания) — «Селтик» (Шотландия) 7:0

Голлар: Лионель Месси, 3 (1:0). Лионель Месси, 27 (2:0). Неймар, 50 (3:0). Андрес Иньеста, 59 (4:0). Лионель Месси, 60 (5:0). Луис Суарес, 75 (6:0). Луис Суарес, 88 (7:0).Ноаниқ пенальти: Мусса Дембеле, 24 (С).

«D» гуруҳи

«Бавария» (Германия) — «Ростов» (Россия) 5:0

Голлар: Роберт Левандовски, 28-пен (1:0). Томас Мюллер, 45+2 (2:0). Жошуа Киммих, 53 (3:0). Жошуа Киммих, 60 (4:0). Хуан Бернат, 90 (5:0).

«ПСВ» (Голландия) — «Атлетико» (Испания) 0:1

Гол: Саул, 43 (0:1).Ноаниқ пенальти: Андрес Гуардадо, 45+2 (П).