Жанубий Суданда президент ва собиқ вице-президент тарафдорлари ўртасидаги жанглар қайта бошланди, дея хабар бермоқда «ТАСС».
AFP агентлиги маҳаллий ҳукуматга таяниб маълум қилишича, давлат раҳбари Салва Киирга содиқ миллий армия қисмлари ва унинг собиқ ўринбосари Риек Машар тарафдорлари ўртасидаги қуролли ҳаракатлар мамлакат жануби-ғарбида, Уганда ва Конго Демократик Республикаси билан чегаралар яқинида бўлиб ўтмоқда.
Жанубий Судандаги бундан аввалги жанглар 8—11 июль кунлари бўлиб ўтиб, камида 300 кишининг умрига зомин бўлди, 60 минг киши ўз уйларини тарк этишга мажбур бўлди.
2013 йил декабрида Салва Киир томонидан қўзғолончиларнинг собиқ етакчиси, ўзининг ўринбосари Риек Машарнинг лавозимидан бўшатиши Жанубий Суданда можаронинг келиб чиқишига сабаб бўлди. 2015 йилнинг август ойида Киир ва Машар тинчлик келишувини имзолади. Шу йилнинг январь ойидан бошлаб улар миллий бирлик ўтиш ҳукумати тузишга келишиб олди. 28 апрель куни президент ҳукуматнинг янги таркибини эълон қилди. 8 июль куни эса мамлакат президенти Салва Киир тарафдорлари ва Риек Машарни қўллаб-қувватловчи собиқ исёнчилар ўртасида тартибсизликлар келиб чиқди.
Изоҳ (0)