Туркия президенти Ражаб Тоййиб Эрдўғон Россияга ташриф буюриб, Владимир Путин билан музокаралар ўтказиш, жумладан, иқтисодий ҳамкорлик масалаларини муҳокама қилиш режаси борлигини тасдиқлади. Бу ҳақда «ТАСС» хабар бермоқда.
«Барчаси режа бўйича борса, 9 август куни Россияга расмий ташриф билан бораман. Мен билан бирга ҳукумат делегацияси ҳам бўлади. Биз яна иқтисодий муносабатларни муҳокама қиламиз. Бизнинг томонимиздан ҳеч қандай чекловлар бўлмайди», — деди у 2 август, сешанба куни Анқарада қилган чиқишида.
У Россиянинг санкцияларига жавобан Туркия жуда енгил чоралар кўрганини эслатиб ўтди.