Туркия адлия вазири Бакир Бўздоғ HaberTurk телеканалига берган интервьюсида АҚШда истиқомат қилувчи мухолиф сиёсатчи ва диний раҳнамо Фатҳуллоҳ Гулен у ерни тарк этиб, Австралия, Мексика, Канада, ЖАР ёки Мисрда ўрнашиши мумкинлигини айтди. Бу ҳақда «Интерфакс» хабар бермоқда.
Ўз навбатида расмий Қоҳира Гулендан бошпана илтимосномаси олмаганини маълум қилди.
Бакир Бўздоғнинг фикрича, Гулен тўнтаришга бевосита алоқадор бўлиб, исён муваффақиятли якун топган тақдирда у Туркияга қайтар эди. Мисол тариқасида у Эрондаги исломий инқилобни келтирди — ўшанда шоҳ ҳокимиятининг ағдарилиши билан Оятуллоҳ Ҳумайний мамлакатга қайтиб келган эди.
Изоҳ (0)