Turkiya Gulen AQShdan qayerga qochishi mumkinligini aytdi

Turkiya adliya vaziri Bakir Bo‘zdog‘ HaberTurk telekanaliga bergan intervyusida AQShda istiqomat qiluvchi muxolif siyosatchi va diniy rahnamo Fathulloh Gulen u yerni tark etib, Avstraliya, Meksika, Kanada, JAR yoki Misrda o‘rnashishi mumkinligini aytdi. Bu haqda “Interfaks” xabar bermoqda.

O‘z navbatida rasmiy Qohira Gulendan boshpana iltimosnomasi olmaganini ma’lum qildi.

• Turkiyadagi harbiy to‘ntarish

Bakir Bo‘zdog‘ning fikricha, Gulen to‘ntarishga bevosita aloqador bo‘lib, isyon muvaffaqiyatli yakun topgan taqdirda u Turkiyaga qaytar edi. Misol tariqasida u Erondagi islomiy inqilobni keltirdi — o‘shanda shoh hokimiyatining ag‘darilishi bilan Oyatulloh Humayniy mamlakatga qaytib kelgan edi.