Наманган вилоятида 4 та йўналиш бўйича Isuzu автобусларининг қатнови йўлга қўйилди

Наманган вилоятида Ўзбекистонда ишлаб чиқарилган Isuzu русумли автобуслар қатнови яна йўлга қўйилди, деб хабар бермоқда «NamNews.uz».

«Ҳозирча 50 та автобус 1, 4, 17, 23-йўналишларга қўйилди. Бунинг учун банкдан тўрт йилда қайтариш шарти билан 4,6 миллиард сўм кредит олдик. Ҳайдовчиликка эса кўп йиллик тажрибага эга 50 кишини ишга қабул қилдик», – деди «Турон-95 МБИ» МЧЖ раҳбари Борилло Муродов.

«Яна бир гап – айрим магистраль кўчаларимиз таъмирталаб. Ана шу муаммоларни ҳал этишда мутасадди ташкилотлардан амалий ёрдам кутамиз», – дея қўшимча қилди тадбиркор.

Борилло Муродовнинг айтишича, келгусида яна автобуслар олиб келинади ва барча йўналишлар бўйича қатнов йўлга қўйилади.