Namangan viloyatida 4 ta yo‘nalish bo‘yicha Isuzu avtobuslarining qatnovi yo‘lga qo‘yildi

Namangan viloyatida O‘zbekistonda ishlab chiqarilgan Isuzu rusumli avtobuslar qatnovi yana yo‘lga qo‘yildi, deb xabar bermoqda “NamNews.uz”.

“Hozircha 50 ta avtobus 1, 4, 17, 23-yo‘nalishlarga qo‘yildi. Buning uchun bankdan to‘rt yilda qaytarish sharti bilan 4,6 milliard so‘m kredit oldik. Haydovchilikka esa ko‘p yillik tajribaga ega 50 kishini ishga qabul qildik”, – dedi “Turon-95 MBI” MChJ rahbari Borillo Murodov.

“Yana bir gap – ayrim magistral ko‘chalarimiz ta’mirtalab. Ana shu muammolarni hal etishda mutasaddi tashkilotlardan amaliy yordam kutamiz”, – deya qo‘shimcha qildi tadbirkor.

Borillo Murodovning aytishicha, kelgusida yana avtobuslar olib kelinadi va barcha yo‘nalishlar bo‘yicha qatnov yo‘lga qo‘yiladi.