Ҳиндистонлик Рохит Кханделвал Mister World 2016 танлови ғолиби бўлиб, жаҳоннинг энг келишган эркаги деб топилди. Бу ҳақда, Daily Mail’га асосланиб, «Корреспондент.net» хабар бермоқда.
27 ёшли модель ва актёр бир неча ҳафта мобайнида Британиянинг Саутпорт шаҳрида 46 нафар рақиби билан спорт, мода чиқиши ва интервью йўналишларида беллашди.
«Шу нуқтага қадар ғаройиб саёҳат бўлди, энди нима бўлишини сабрсизлик билан кутмоқдаман», — деб ўз ғалабасига муносабат билдирди Кханделвал.
Mister World гўзаллик танлови Miss World ташкилотчилари томонидан икки йилда бир марта ўтказилади. Унда танловнинг турли давлатларидаги миллий филиалларида биринчиликни қўлга киритган эркаклар беллашади.
Изоҳ (0)